Isinagawa noong Abril 22 hanggang 23, 2026 sa San Andres, Pandan, Catanduanes ang pagsasanay tungkol sa paggawa ng squid jigger, pati na rin sa tamang pag-aani at pagbebenta ng pusit.

Dinaluhan ito ng 22 mangingisda mula sa iba’t ibang samahan sa lugar, na layong mapahusay ang kanilang kaalaman sa episyente at responsableng pangingisda.

Tinalakay sa pagsasanay ang biology of squid, Organizational development, Code of Conduct for Responsible Fisheries, at wastong operasyon ng squid jigging.

Nagkaroon din ng financial literacy session sa pamamagitan ng “Fish N Learn Game” upang maturuan ang mga kalahok sa tamang paghawak ng kita at pag-iimpok.

Bilang bahagi ng praktikal na pagsasanay, pumalaot ang mga mangingisda upang subukan ang kanilang ginawang squid jigger at aktwal na paggamit nito sa pangingisda.

Samantala, tumanggap ang bawat kalahok ng tig-iisang squid jigger bilang suporta sa kanilang kabuhayan.

Ayon sa BFAR Bicol, layunin ng aktibidad na palakasin ang sektor ng pangisdaan sa pamamagitan ng pagbibigay ng sapat na kaalaman, kasanayan, at kagamitan sa mga mangingisda. | via Rosie Nieva

Source/Photo Courtesy: BFAR Bicol